Hoxe, martes 29 de abril, deu comezo o Clube de Lectura da Biblioteca do cole, só apto para nenos e nenas de sexto curso. A participación foi masiva e intuímos que o seguirá sendo así ata final de curso, pois contamos con un grupo de nenos moi motivados e con ganas de ler.
Pero... que é un Clube de Lectura?
Son un grupo de persoas que ao mesmo tempo len un libro, cada un na súa casa, e se reúnen periódicamente para comentar e debatir aquilo que lles chamou a atención do mesmo ou que consideran importante (os personaxes, as emocións que provoca, o contexto no que se desenvolve a historia, o tema central da obra, a relación con experiencias persoais...)
Pois ben, aclarado isto, agora só fai falla dar comezo ás lecturas e ter moitas ganas de ler e compartir, de compartir e ler.
Deixámosvos a curtametraxe da nosa primeira obra seleccionada: El gato negro, do mestre do terror Edgar Allan Poe. Que o desfrutedes!
Ata a vindeira semana e felices lecturas!
Ningún comentario:
Publicar un comentario