A forza dos bicos

As concellarías de Xuventude e de Benestar Social do Concello de Poio, en colaboración co noso colexio e con outros catro centros de primaria deste concello, puxeron en marcha un proxecto denominado "A forza dos bicos", que ten como obxectivo acercar a enfermidade do Alzheimer aos nenos de 4º curso de Primaria.

Deste xeito, o pasado 2 de marzo, membros de ambas concellarías, xunto coa contacontos Isa Naveiro e o ilustrador Rafa Prieto, viñeron ao noso colexio para levar a cabo dito proxecto.

A actividade xira arredor de dous contos: "La abuela necesita besitos" e "Los despistes de mi abuelo Pedro". 

Ao mesmo tempo que se ía narrando o primeiro conto, o ilustrador Rafa Prieto ía debuxando caricaturas relacionadas coa historia que se estaba contando, as cales foron coloreadas posteriormente polos alumnos na súa clase.

O segundo conto foi dramatizado por persoal do concello.

O que se pretende con esta actividade é que os nenos coñezan esta enfermidade e que poidan colaborar nos seus fogares coas súas familias atendendo aos maiores, prestándolles o agarimo que estes tanto precisan cando sofren esta enfermidade.

Aquí presentamos un vídeo con imaxes que ilustran esta actividade.